(ก) น กาโย นายตนนฺติ? อามนฺตาฯ

(ข) นายตนา น กายายตนนฺติ? อามนฺตาฯ

น รูปํ นายตนนฺติ?

รูปํ ฐเปตฺวา…เป.… สทฺทํ ฐเปตฺวา…เป.… คนฺธํ ฐเปตฺวา…เป.… รสํ ฐเปตฺวา…เป.… โผฏฺฐพฺพํ ฐเปตฺวา…เป.… น จ อายตนาฯ นายตนา น โผฏฺฐพฺพายตนนฺติ? อามนฺตาฯ

(ก) น มโน นายตนนฺติ?

มนํ ฐเปตฺวา อวเสสา อายตนา น มโน, อายตนาฯ มนญฺจ อายตนญฺจ ฐเปตฺวา อวเสสา น เจว มโน น จ อายตนาฯ

(ข) นายตนา น มนายตนนฺติ? อามนฺตาฯ

(ก) น ธมฺโม นายตนนฺติ? อามนฺตาฯ

(ข) นายตนา น ธมฺมายตนนฺติ? อามนฺตาฯ

4. สุทฺธายตนมูลจกฺกวาโร

(ก) อนุโลมํ

[16] (ก) จกฺขุ อายตนนฺติ? อามนฺตาฯ

(ข) อายตนา โสตายตนนฺติ?

โสตายตนํ อายตนญฺเจว โสตายตนญฺจฯ อวเสสา อายตนา น โสตายตนํฯ

จกฺขุ อายตนนฺติ? อามนฺตาฯ

อายตนา ฆานายตนํ…เป.… อายตนา ธมฺมายตนนฺติ?

ธมฺมายตนํ อายตนญฺเจว ธมฺมายตนญฺจฯ อวเสสา อายตนา น ธมฺมายตนํฯ

โสตํ อายตนนฺติ? อามนฺตาฯ

อายตนา จกฺขายตนนฺติ?…เป.… น จกฺขายตนํ…เป.…ฯ อายตนา ธมฺมายตนนฺติ?…เป.… น ธมฺมายตนํฯ

ฆานํ อายตนนฺติ? อามนฺตาฯ

อายตนา จกฺขายตนนฺติ?…เป.… อายตนา ธมฺมายตนนฺติ? …เป.… น ธมฺมายตนํ…เป.…ฯ

ธมฺโม อายตนนฺติ? อามนฺตาฯ

อายตนา จกฺขายตนํ…เป.… อายตนา มนายตนนฺติ?

มนายตนํ อายตนญฺเจว มนายตนญฺจฯ อวเสสา อายตนา น มนายตนํฯ

(จกฺกํ พนฺธิตพฺพํ)

(ข) ปจฺจนีกํ

[17] (ก) น จกฺขุ นายตนนฺติ?

จกฺขุํ ฐเปตฺวา อวเสสา อายตนา น จกฺขุ, อายตนาฯ จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนาฯ

(ข) นายตนา น โสตายตนนฺติ? อามนฺตาฯ

น จกฺขุ นายตนนฺติ?

จกฺขุํ ฐเปตฺวา อวเสสา อายตนา น จกฺขุ, อายตนาฯ จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนา…ฯ

นายตนา น ฆานายตนํ…เป.… นายตนา น ธมฺมายตนนฺติ?

อามนฺตาฯ

น โสตํ นายตนนฺติ?

โสตํ ฐเปตฺวา…เป.… ฆานํ ฐเปตฺวา…เป.… ชิวฺหํ ฐเปตฺวา…เป.… น จ อายตนาฯ นายตนา น ธมฺมายตนนฺติ? อามนฺตาฯ

น กาโย นายตนนฺติ? อามนฺตาฯ

นายตนา น จกฺขายตนนฺติ? อามนฺตาฯ…เป.…ฯ นายตนา น ธมฺมายตนนฺติ? อามนฺตาฯ…เป.…ฯ

(ก) น ธมฺโม นายตนนฺติ? อามนฺตาฯ

(ข) นายตนา น จกฺขายตนนฺติ? อามนฺตาฯ

(ก) น ธมฺโม นายตนนฺติ? อามนฺตาฯ

(ข) นายตนา น โสตายตนนฺติ? อามนฺตาฯ…เป.…ฯ

นายตนา น มนายตนนฺติ? อามนฺตาฯ

(จกฺกํ พนฺธิตพฺพํ)

ปณฺณตฺตินิทฺเทสวาโรฯ

2. ปวตฺติวาโร 1. อุปฺปาทวาโร

(1) ปจฺจุปฺปนฺนวาโร

(ก) อนุโลมปุคฺคโล

[18] (ก) ยสฺส จกฺขายตนํ อุปฺปชฺชติ ตสฺส โสตายตนํ อุปฺปชฺชตีติ?

สจกฺขุกานํ อโสตกานํ อุปปชฺชนฺตานํ เตสํ จกฺขายตนํ อุปฺปชฺชติ , โน จ เตสํ โสตายตนํ อุปฺปชฺชติฯ